för junge un öllere Lüüd

Mit veel Pläsier.

Glück un Freid beleven.

YOGA op PLATT

Hartlig willkommen!

Yoga op Platt - wo geiht dat?

Dat is en Anbott för all de Minschen, de sik rögen, to Roh kamen, lachen un entspannen wüllt. Yoga funkschonert jümmer un överall: 

  • binnen un buten
  • junge un öllere Minschen öövt tosamen
  • langsam und aktiv
  • YIN un YANG
  • Yoga is för goot för de Seel
  • Yoga maakt Freid
  • Yoga kannst in’t Stahn, Sitten un ok bi’t Gahn maken

De Atenövens maakt Immunsystem, Lungen un Hart stark. Wi stellt dat Kino in’n Kopp af un wiest uns Körper, woans een dat Geföhl vun Glück herstellt.

Wees dorbi, wenn du wullt. Eendoont, wo oolt du büst, wat du Anfänger büst oder al wat kannst. Wi sünd alltohopen jüst NU richtig. 

Warum Yoga auf Plattdeutsch? 

Egens loopt düsse Yogastünnen jüst so as op Hoochdüütsch af. Man de Ünnerscheed is: Düsse Spraak tövert de Deelnehmers un mi furts en Smüstern in’t Gesicht. Dat sünd de Glücksboten, de wi doch all hebben wüllt.

(Übersetzung ins Plattdeutsche von Benita Brunnert)

NDR 90,3 Podcast am 28.2.2021

En Sennen vun Benita Brunnert

Platt- un Hochdüütsch

 

Ane Königsbaum un Christa Heise-Batt leest LAOTSE

Luuster mol … free na LAOTSE vun Christa Heise-Batt översett. Dat hebbt wi för en Performance in‘t Stadtmuseum Norderstedt to mien Utstellen in’n August 2004 op Hooch – un Plattdüütsch opföhrt. 

"Dörtig Speeken dreept de Naav, man dat Leddige doormang twischen de Speeken, dat maakt den Sinn vun‘t Rad ut. De Pött, de sünd ut Toon maakt, man dat Leddige in jem, dat maakt den Sinn vun den Pött ut. Muern mit Finstern un Döörn, de richt dat Huus op, man dat Leddige dor binnen, dat gifft dat Huus sienen Sinn. So kan man seggen: dat, wat man anfaten kann, dat kann man ut- un benutzen, man dat, wat man nich faten kann, dat gifft den Sinn."

Woans bün ik to Yoga kamen?

Ik maak siet 30 Johr Yoga un heff mien Yogaschool vör 12 Johr övernahmen. Ik geev Kursen för Fruun- un Mannslüüd vun 18 bet 80 Johr. De Anstupser, Yoga op Platt to ünnerrichten keem körtens eerste dörch den NDR mit „Wi snackt Platt“. 

Ik bün mit de plattdüütsche Spraak opwussen un mit veel Freid dorbi. De Klang vun de Spraak is as Musik in miene Ohren. Dat weer al so, as ik miene Grootöllern snacken höört heff. Ok wenn ik in miene Sätz af un an mal Hooch- un Plattdüütsch tosamensmiet, versteiht dat doch jedeen. Tosamen Yoga to öven maakt veel Spaaß. 

Wat ik noch seggen much: Yoga för tohuus oder vör Oort. 

In düsse Tiet is allens anners! Coronabedingt öövt wi al dat heel Johr Yoga online – dat funkschonert goot. Dat weer ok för Senioren tohuus oder in’t Seniorenhuus en Chance.

Bi de Meditatschonen bring ik geern de wohligen warmen Töne vun Klangschalen oder mit mien Stimm Poesie un Leder to’n Klingen. De Schwingen vun de Klangschalen lett de Seel singen. Dat kann een jümmer wedder in miene Yogastünnen beleven.